Politique

Ampanjaka Ankarana sy Ravalomanana Mitovy ny fomba fijery

Politique
Alatsinainy 15 Oktobra 2018

Noraisin'ny Ampanjaka Ankarana tao an-tranony i Marc Ravalomanana ny sabotsy 13 oktobra lasa teo. Any amin’iny faritra Avaratry ny Nosy iny no misy an’Ankarana, anisan’ny manana ny maha izy azy eto amin’ny Nosy noho ny harena na ara-boajanahary na ara-kolontsaina ananany.

Nanazava tamin’ny Ampanjaka ireo fotodrafitrasa hotanterahina sy hahafaha-mampandroso hatrany ity faritra ity i Marc Ravalomanana. Hafaliana sy fankasitrahana no nandraisana azy, ary nitovy ny tadin-dokanga dia ny hoe: hiaraka hanarina ny firenena. Nahazo ny tsodrano avy amin’ity Ampanjaka ity i Marc Ravalomanana ary nanome toky ny fahavononana hifanome tanana aminy ny any an-toerana amin’izao ady hatrehan’i Marc Ravalomanana izao. Tsy ny Ampanjaka Ankarana ihany fa saika nanome tsodrano ho azy avokoa ny tany amin’izay rehetra nandehanany. Matoa ny olobe tahaka ireny no resy lahatra aminy dia tsy tongatonga ho azy fa vokatry ny faharesen-dahatra amin’ny lafiny rehetra. Izy no azony antoka fa afaka hanavotra ny firenena ary manana ny toerany eo anivon’ny fiarahamonina ireny Ampanjaka sy raiamandreny isan-tsokajiny ireny izay tsy maintsy manome lanja izay hahasoa ny vahoaka tantanany.

Toky R