Politique

Amboditandroroho - Toamasina II Nahavita ny adidiny ny PDS Georges Ramananjatovo

Politique
Sabotsy 10 Oktobra 2015

261 andro nitantanana ny Kaominina Amboditandroroho, Distrikan�i Toamasina II ny filohan�ny delegasiona manokana Georges Ramananjatovo.

Tontosa ny 8 oktobra teo ny famindram-pahefana teo aminy sy ny Ben’ny tanàna voafidy avy amin’ny HVM, Thierry «Favori».
Tamin’ny 20 janoary 2015 Ramananjatovo Georges no nomen’ny fanjakana iraka handray an-tanana ny Kaominina Amboditandroroho. Nandritra izay valo volana izay dia voailiny ny trosan’ny Kaominina sy ny karaman’ny mpiasa amam-bolana tsy voaloa. Nampitomboiny ihany koa ny karaman’ny mpiasa. Nahafahany nanatanteraka izany ny fifehezana ny fampidirana ny tamberimbidy ny hetran-tany sy trano. Nisaoran’ny mpiasa izy tamin’ny ezaka fanatsarana ny sosialin’ny mpiasan’ny Kaominina sy ny toekaren’ny Kaominina notantanany. Ny PDS Ramananjatovo Georges tetsy an-kilan’izay dia nirary soa ny Ben’ny tanàna vaovao hahavita be amin’ny asany.