Politique

Aleo ny lasa homba ny lasa Tsy hamaly faty ny mpitandro ny filaminana Ravalo

Politique
Alatsinainy 27 Aogositra 2018

Tsotra ny resaka ataoko amin’ny mpitandro ny filaminana Miaramila, Zandary, Polisy.

Misy manely tsaho mantsy, ka i Dada tsy hamaly faty izany mihitsy, hoy izy, eo anatrehan’ny fihezahan’ny sasany hampiady azy amin’ny mpitandro ny filaminana. Kristianina aho ka tsy anjarako ny mitsara na hamaly faty,… ny hisavorovoroan-kilatoana, efa tonga izao ny fotoana hanorenana. Teo ny fotoana niadiana. Aleo hijanona ho tantara izany fa efa tonga izao ny fotoana hihavanana, hoy izy. Filoham-pirenena rahateo dia miantoka ny fiaraisankinam-pirenena. Toy ny mpirahalahy mianala isika, ndao isika hiara-dia satria maika ny fanarenana ny firenena ary tena mila fandriampahalemana ny vahoaka Malagasy. Ataovy izay hihavanana amin’ny olon-drehetra, aza adinoina ny tarigetra : ho an’ny tanindrazana, hoy ny hafatra feno fahendrena nataony. Tsiahivina fa noezahina nampiadiana tamin’ny mpitandro ny filaminana i Marc Ravalomanana tamin’ny raharaha fanonganam-panjakana tamin’ny 2009, ary nisy ny andian-tafika nampiasaina nanongana azy. Tamin’ireny fitetezam-paritra samihafa nataony teto amin’ny firenena ireny ihany koa, dia niaraha-nahita ny zava-nisy fa dia noterena hitsangana ho fahavalony ny mpitandro ny filaminana.

Toky R