Politique

Alain Ramaroson Hitarika olona hidina an-dalambe

Politique
Zoma 20 Martsa 2015

Nivoaka tamin�ny fahanginany i Alain Ramaroson. Manoloana ny fahoriana sy ny fijaliana mianjady amin�ny vahoaka dia nandray fanapahan-kevitra ity mpanao politika ity fa hangataka alalana ny hitondra vahoaka haneho ny heviny eny an-dalambe amin�ny herinandro ambony.

Raha ny fomba fiasan’ny mpitondra ny tanàna eto Antananarivo dia kely ihany ny finoana ny hahazoan’ity mpanao politika ity fahazoan-dalana hitarika izany hetsika izany. Fa araka ny fanazavan’Atoa Alain Ramaroson dia tsy maintsy hataony io hetsika io satria zon’ny Malagasy voafaritra mazava ao amin’ny lalàmpanorenana ny fanehoan-kevitra fa tsy manelingelina ny fahafahan’ny hafa. Ity hetsika ity moa dia tohin’ilay fitakiana ny fanesorana ny minisitry ny Fanajariana ny Tany, ny minisitry ny Fitaterana, ny minisitry ny Vola sy ny Tetibola, ny minisitry ny Atitany ary ny talen’ny kabinetran’ny fiadidiana ny Repoblika izay tsy nahitam-baliny tao anatin’ny fe-potoana 72 ora napetrak’Atoa Alain Ramaroson.

Andry Ratovo