Politique

Air Madagascar Efa nikatona raha tsy i Marc Ravalomanana

Politique
Zoma 23 Janoary 2015

Mitsipozipozy mila hamono tena ny Air Madagascar. Azo isaina amin�ny rantsan-tanana ny fiaramanidina afaka miasa ao amin�ity kaompaniam-pirenena amin�ny fitaterana anabakabaka ity, dia Twin iray, ATR42 sy ATR72 iray avy, ity farany moa dia azo tamin�ny fitondran�i Marc Ravalomanana, miampy Boeing 737 � 300 iray dia ilay �Force One I� teo aloha. Momba ireo fiaramanidina frantsay Airbus A340 roa nampidirin�ny fitondrana tetezamitan-dRajoelina indray dia mbola anatin�ny fanamboarana tanteraka ny iray ka tsy afa-miasa, ny faharoa kosa tsy mahazo mandeha afa-tsy any Azia.

Izao vao miaiky ny rehetra fa raha tsy teo ilay «Force One I» tamin’i Dada io dia efa nikatona ny Air Madagascar. Io Boeing 737 – 300 io no misahana ny sidina anatiny sy aty amin’ny faritra rehetra, mahavita sidina in-telo ka hatramin’ny efatra isan’andro, ny mpanamory fotsiny no miovaova. Na eo aza anefa izany dia mandeha ny feo fa misy mikononkonona zavatra hafahafa eo anivon’ity orinasam-panjakana ity. Araka ny loharanom-baovao samihafa dia eo anatrehan’ny trosa miavosa baben’ny Air Madagascar dia mody hoe hakatona dia miesona sy miala maina any ireo manam-bola amin’ity kaompania nasionaly ity. Ovaina anarana avy eo, izay vao sokafana indray.