Politique

Ady amin’ny kolikolim-pifidianana Havoaka ny sata manokana

Politique
Sabotsy 01 Septambra 2018

Ny alatsinainy 3 septambra izao no hampahafantarina etsy amin’ny foiben-toerana komitin’ny fampihavanana Malagasy na CFM ny sata manokana na “charte” mikasika ny ady atao amin’ny kolikolim-pifidianana (corruption électorale).

Araka ny fanazavana dia saika mpiara-manao sonia azy ity avokoa ireo sehatra miady amin’ny kolikoly, toy ny CNIDH, ny SAMIFIN, ny CSI, ny Bianco. Ao koa ny avy eo anivon’ny CFM sy ny Vaomiera mahaleotena misahana ny fifidianana na CENI. Efa be ihany moa izay rafitra miady amin’ny fahalovana sy hisorohana ny tsy fahalavorariana eto amin’ny firenena sy mandritry ny fifidianana izay. Raha ny zava-misy hatramin’izao aloha dia tsy mbola hita izay hozany fa mbola miha ratsy hatrany ny taham-panaovana kolikoly eto amintsika.

J. Mirija