Politique

Adihevitra propagandy Hampihaona ireo kandida 36 ny FES

Politique
Alarobia 17 Oktobra 2018

Mitohy hatrany ny ezaka ataon’ny FES (Friederich Ebert Stiftung) amin’ny fanampiana ireo kandida hilatsaka hofidiana ho filoham-pirenena amin’ny 7 novambra ho avy izao sy ny fanentanana ireo olom-pirenena feno 18 taona rehetra.

Hampihaona ireo kandida miisa 36 etsy amin’ny hotel Carlton Anosy indray izy ireo manomboka anio alarobia 17 oktobra. Hanomboka amin’ny 8 ora maraina ka hatramin’ny 7 ora hariva ny fotoana hanatanterahana izany, hoy ny dokotera Raveloson Jean Aimée, anisan’ireo tompon’andraikitra eo anivon’ny FES. Tanjon’ny mpikarakara ny hahafahan’ireo kandida manazava ny fandaharan’asany amin’ny vahoaka rehetra hahafahan’ireto farany mandatsa-bato ho azy. Azon’ny rehetra hatrehina ity fotoana anio ity, hoy hatrany ny dokotera Raveloson, tsy misy fanavahana.