Loisirs

Mozika klasika Haneho ny talentany i Mireille Rakotomalala

Loisirs
Alakamisy 15 Aprily 2010

Vehivavy manan-talenta manokana amin’ny fiangaliana mozika klasika i Mireille Rakotomalala, nahazo mari-pahaizana sy diplaoma manokana avy amin’ny «conservatoire de Kiev» sy tany St Petersbourg. Nandrombaka ny laharana voalohany avy amin’ny «Conservatoire National Supérieur» tany Parisy ihany koa ny vehivavy ary fanta-daza na any ampita na eto an-toerana. Raha nanatontosa hetsika hanaparitahana sy hampahafantarana ny olon-drehetra ny hakanton’ny mozika klasika ny fikambanana «Madagascar Mozarteum» dia nisafidy ny hiara-hiasa aminy manokana ho fanokafana ireo hetsika fampisehoana amin’ny andro antoandro izay hisesisesy etsy amin’ny CCAC Analakely isam-bolana. Raha ny fandaharam-potoana atolotry ny mpanakanto kosa dia ireo sanganasan’i J S. Bach, F. Listz ary Fr. Chopin no hisongadina mandritry ny fotoana. Maimaimpoana tanteraka ny hetsika ka ao amin’ny trano fanaovana fampisehoan’ny CCAC ny fotoana ny 21 aprily amin’ny iray ora tolakandro.

Luciana