Loisirs

Jos� Camarade Milalao mozika maroloko

Loisirs
Sabotsy 07 Jona 2014

Tsy ny hanome fahafaham-po ny mpankafy amin�ny faritra iray fa ny hanolotra ny kanto ary hampianjaika ny raitra ho an�ny Malagasy mielimpatrana manerana ny Nosy amin�ny alalan�ny hira sy mozika.

Io no antony nahatonga an’i José Camarade, mpanakanto avy any Fianarantsoa miezaka hatrany mamolaka izay rehetra mety ho gadona misy eto amin’ny planeta tany. Ampahany amin’ireo ban-kira lalaovin’izy 11 mianadahy mandrafitra ny tarika ny slow, reggae, tsapiky, horija betsileo … Ankehitriny, eo ampiketrehana ny kapila mangirany hirakitra ireo vazony i José Camarade, izay mpaorona, mpandrindra ao anatin’ny tarika. Anisan’ny handrafitra izany ny «Vao lasa ianao», «Tsy ho ela» izay efa vita rindran-tsary tazana eny amin’ny fahitalavitra. Ny habaky ny fitiavana izay miseho amin’ny endrika maro no ironan’ny aingam-pamoronan’i José Camarade. Misokatra malaka amin’ny fiaraha-miasa amin’ny tarika hafa ity tarika izay miezaka hatrany manakaiky sy mamaly ny filan’ny mpankafy ny kanto ity.