Loisirs

DVD sy VCD Adisanina FAN�dio Hivoaka ny talata 31 janoary

Loisirs
Alatsinainy 23 Janoary 2017

Hivoaka ny talata 31 janoary ho avy izao manerana ny Nosy indray ny DVD sy VCD Adisanina FAN�dio, novokarin�ny SCOOP digital.

Hivoaka ny talata 31 janoary ho avy izao manerana ny Nosy indray ny DVD sy VCD Adisanina FAN’dio, novokarin’ny SCOOP digital. Hampiavaka ity horonantsary iray ity ny firaketany ireo karazana tranga tena nisy sy niainan’ireo Team Safelika nandritra ny fitetezam-paritra maro nataon’izy ireo. Ankoatra ny famalifaliana vahoaka tamin’ny alalan’ny fampisehoana dia niezaka ny nitondra ny anjara birikiny koa izy ireo tamin’ny famahana ireo olana samihafa mianjady tamin’ny fiarahamonina nolalovany. Anisan’ny hasongadin’izy ireo ny fahantrana mianjady amin’ny vahoaka amin’ny alalan’ireo fomba amam-panaon’ny tompon’andraikitra, ka manao tsindry hazo lena iretsy voalohany ho fiarovana ny tombontsoan’olom-bitsy. Seho iray tao anatin’izany no horesahina anatin’ny Adisanina FAN’dio. Mbola maro ireo faritra no voageja anatin’ny kajikajy politikan’ny fitantanana azy ka rehefa tsy ahazoan’ny tompon’andraikitra laza sy voninahitra ary tombontsoa mivantana dia ataony izay tsy haharaikitra ny fampisehoana ny hetsika atao, eny na dia hetsika ara-java-kanto sy fanasoavana fiarahamonina aza. Nisedra trangan-javatra tena mafy tokoa ny Team Safelika tamin’izany, saingy nahita vahaolana hatrany. Matetika anefa dia amin’ny ora farany vao tena tony ireo tompon’andraikitra noho ny fahitany ireo vahoaka marobe mankafy ity vondrona iray ity. Raha fintinina, tantara mampihomehy, saingy maneho ireo tranga tena iainan’ireo olona tsara sitrapo te hanampy ny madinika nyAdisanina FAN’dio. Anisan’ireo horonantsary nandaniana vola sy fotoana betsaka indrindra ihany koa izy satria dia faritra efatra no nanodinana azy toy ny Faritra Boeny, Vakinankaratra, Analamanga ary Ampefy.