Zezika azo avy amin'ny fako

Efa raikitra ny fampiasana azy amin'ny fambolena

Actualités
Alatsinainy 18 Novambra 2024

Rehefa dila ilay fito andro nanodinana ny fako ka lasa zezika dia miditra amin'ny fampianarana

ny mpianatra hikolokolo zaridaina indray ho fanamaintsoana ny tanàn-dehibe sy hanabeazana ny ankizy hiaro ny tontolo ianana ny tetikasa iarahan'ny Tia Tanindrazana sy ny profesora Henri Rasolonjanahary. Teny amin'ny sekoly tsy miankina Ange Gabriel Anosibe ouest 2 no nanaovana izany ny zoma lasa teo ka nanombohana ny fambolena ananana (tissam) natao amina tavoahangy plastika. Anisan'ny nambolena ihany koa ny raozy , solila, ,tsaramaso, omanga, kotomila, salady. Tsy be resaka isika fa fikarohana, asa, fampiharana ary tonga dia mioty vokatra avy eo hoy ny Pr Henri tompon-kevitra sy nanao ny fikarohana. Efa maro ireo tantsaha avy amina faritra maro manerana ny nosy no nahita soa avy amin'ity tetikasa fako avadika zezika enti-mamokatra ity. Izy ity moa dia anisan'ny paikady iray ahafahana manodina ny fakon'Antananarivo ho lasa akora ampiasaina fa tsy hoe angonona dia taterina , avy eo dorana, lasa mila velarantany lehibe no sady manimba tontolo iainana fotsiny. Tsy maintsy mikaroka vahaolana foana, ary asehontsika fa olon'ny asa isika, hoy ny firesak'i Tahina Razafinjoelina izay.
Nangonin'i RTT