ZAZAKELY SEMBANA

Nariana teny an’arabe, noraisin'ny Polisy an-tanana

Actualités
Talata 26 Aogositra 2025

Zazalahy kely manodidina ny 3 taona, manana fahasembanana

no fantatra fa tavela teny amoron'arabe ka novonjen'ny Polisy ny alin'ny 23 Aogositra lasa teo tao an-tampon-tananan'i Mahajanga. Nandritra ny fisafoana mahazatra nataon'ny Polisim-pirenena no nahitana io tsy manan-tsiny io teo anoloan'ny tranoben'ny varotra sy ny indostria. Nentina avy hatrany teny amin’ny hopitaly ilay zaza taorian'izany mba hanaraka fitsaboana. Ny sampan-draharahan'ny Polisy miady amin'ny heloka mamoafady sy miaro ny zaza ary ny olona marefo no mandray an-tanana azy hahafahana mitady sy mikaroka ireo nahitany masoandro na mametraka azy any amin'ny akany. Tsiahivina moa fa anisan'ny antom-pijoroan'ny Ong Congrets ny hiaro ireo olona sy ankizy manana fahasembanana hampitondraina ny tsy eran'ny ainy tahaka izao. Olombelona tahaka antsika ihany mantsy izy ireny ka tsy tokony hahilika na sanatria hatao fitaovana hitadiavam-bola.
Pati
Légende : Ireo tompon'andraikitra teo am-pikarakarana ilay Zaza !