Zaza voalaza ho namaky dobon-trondro

Any am-ponja no hiandry ny fanadinam-panjakana CEPE

Actualités
Zoma 07 Jona 2024

Zazalahy kely iray ao amin’ny kilasy fahadimy hiatrika ny fanadinam-panjakana CEPE

amin’ny datin’ny 18 Jona ho avy izao no fantatra fa voatery nadoboka am-ponja vonjimaika ny Alarobia 05 Jona lasa teo rehefa voampanga ho namaky dobon’olona feno trondro. Tany amin’ny distrikan’Antalaha no nisehoan’izany tantara izany tamin’ny herinandro . Raha ny vaovao azo dia tsy nanaiky ilay mpitory ary nanizingizina fa ity zazalahy kely ity no namaky ilay dobony. Mitsipaka izany marindrano kosa anefa ny Ray aman-dRenin’ilay voapanga saingy tsy nety fa tsy maintsy natolotra ny Fitsarana ny raharaha. Ranomaso tsy nisy toy izany raha ny vaovao azo no nentin’ilay zaza niditra ny fonja nisaraka tamin’ireo Ray aman-dReniny sy ireo mpiara-mianatra taminy izay fantatra fa tonga nanotrona azy hatramin’ny farany.
Nangonin’i Pati
Legende : Halatra trondro no nampidirana ilay mpiadina hiatrika ny CEPE any am-ponja !