ZAZA NATERAKA NOTSATOHANA TAMIN’NY HETY

Nalefa any Tsiafahy ilay Raikely, etsy Antanimora ilay Reny

Actualités
Zoma 20 Jona 2025

Tapitra ny tantaram-pitiavan’ilay Raikely sy Reny niteraka nahavita saika

hanapitra ny ain’i Josoakely ka nanindrona ny tendany tamin’ny hety. Nalefan’ny Fitsarana eny Tsiafahy mantsy ilay lehilahy raha eny Antanimora kosa ilay vehivavy. Raha tsiahivina kely ny tantara dia vokatry ny fitiavan-dRamatoa io Rangahy vadiny io no nanosika azy hamono an-janany. Diso naneligelina ity farany loatra mantsy ny fisian’i Josoa izay tsy zanany naterany ka nambarany fa nandrombaka ny fitiavana tokony omen’ilay Ramatoa azy. Nanomboka teo ny teti-dratsin’izy roa saingy samy manana ny anjarany moa ny olombelona. Nisy nahare ny hiakiakan’i Josoakely rehefa narian’izy ireo tany anaty kirihitra teny Ambohimalaza ka nanomboka teo ny famonjena ny ainy sy ny fikarohana ireo nahitany masoandro. Anatra ho an’ny vehivavy efa niteraka talohan’ny fanambadiana ka mitondra zaza any an-tranon-dRaikely ity tranga ity.
Nangonin’i Pati
Legende : Ireto izy roa nanantena fitiavana mamy saingy nosarahin’ny fonja !