Vondron’ny rano sy ala

Miainga avy eny Nanisàna ny fibaikoana

Actualités
Talata 14 Oktobra 2025

Miainga avy eny Nanisàna ny fibaikoana

rehetra ho an’ny vondron’ny rano sy ala manerana an’i Madagasikara mandra-pijoroan'ny rafitra manokana, raha ny fanambaràna nataon'ny Polisin'ala omaly. Raha ny lamina napetraka dia ny olona manamboninahitra ambony indrindra izany fahefana izany, hoy izy ireo, ka ny ''Ingénieur principal des Eaux et Forêts de classe exceptionnelle'', Rabenasolo Solofoniaina Eric Olivier, no manana fahefana amin'izany. Namafisin'izy ireo nandritr’ity fanambaràna nataony ity fa mitohy ny fanaraha-maso sy ny fiarovana ny ala sy ny harena voajanahary eto Madagasikara. Mbola miato koa ny fanomezana fahazoan-dalana amin'ny fitrandrahana ny Ala mandra-pisy lamina vaovao. Manan-kery manomboka izao izany. Nomarihin'izy ireo fa ny fibaikoana no nafindra vonjimaika fa tsy ny fitantanana na ''administration'', raha ny fampitàm-baovao voaray tamin’iny omaly iny hatrany.
Nangonin’i J. Mirija