Vondrona SADC

Ela ny ela ka ho tantanana mpitondra niofo ho frantsay…

Actualités
Alatsinainy 04 Aogositra 2025

Ela ny ela izany ka ho tantanana mpitondra niofo na «naturalisé»

ho frantsay ny vondrona ho fampandrosoana ny aty atsimon’i Afrika na SADC. Niverina an-tsain’ireo mpanara-baovao indray io toe-draharaha nahatonga adihevitra lalina nandritry ny fifidianana ho filoham-pirenena ny taona 2023 io amin’izao akatoky ny fandraisana ny fihaonana an-tampony faha 45n’ity vondrona ity izao. Isan’ny nahatonga ny antsoina hoe «Hetsika fotsy», izay niombonan’ireo kandidà ho filoham-pirenena nahita fa feno hosoka ny fifidianana nokarakarain’ny CENI tamin’ireny fotoana ireny io fivoahan’ny vaovao fa tokony ho very ny zo maha malagasy ny filoham-pirenena ankehitriny io rehefa nanaiky tamin’ny nahim-pony ho lasa frantsay izy kanefa dia mbola neken’ny fitsaràna avo momba ny lalàmpanorenana na HCC ihany ny filatsahan-kofidiany. Niray feo, noho izany, ireto kandidà ireto fa tsy handray anjara intsony tamin’ilay fifidianana noho ny fahitan’izy ireo fa be loatra ny hosoka tanatin’izany fifidianana filoham-pirenena izany. Tranga sy antom-pitolomana izay tsy mbola hita teto ambonin’ny tany afa-tsy teto Madagasikara ihany izany, raha ny fantatra hatreto aloha, saingy nanaiky ny zava-misy ihany moa ankehitriny ireo nanohitra sy nandray anjara tamin’izany hetsika izany ka dia ela ny ela ka ho tantanana mpitondra niofo ho frantsay, araka izany ity SADC ity.
J. Mirija