Volamena miendrika 50 Ariary

Amidy 12 tapitrisa Ariary nanomboka omaly

Actualités
Talata 14 Mey 2024

12 tapitrisa Ariary no vidin’ilay vola volamena 50 Ariary milanja 1 Oz na 31,104 grama,

hoy ny fanamafisam-baovao voaray omaly. Azo jifaina nanomboka omaly moa izy ity, raha tsiahivina. Ho an'ireo izay te hanjifa izany dia mila mitsidika ny tranonkala na « Site» BFM, miaraka amin'ny kara-panondrom-pirenena. Natonta ho mariky ny fankalazana ny faha 50 taonan'ny Banky foiben'i Madagasikara na BFM moa izy ireo, raha ny fanazavana voaray hatrany. Isan’ny maha lasa saina sy mampametra-panontaniana mpanara-baovao maro etsy ankilany ny hoe iza na iza avy no mety ho liana ary hividy azy ity? Hitondra inona amin’ny fampandrosoam-pirenena ihany koa ny vola azo amin’izany? Tena hahasoa ny firenena ve ny fanapahan-kevitra tahaka itony sa haitraitra sy werawera toy ny efa hita matetika tao anatin’izao fitondrana izao indray?
J. Mirija