Vola azo tamin’ny « Motor show » Nahatratra 80 tapitrisa Ar,

nanampiana ankizy marary 200

Actualités
Talata 09 Aprily 2024

Nitazona ny teny nomeny ireo mpikarakara ilay hetsika fampiratiana fiarakodia raitra dia ny «Motor show » notanterahana tetsy Mahamasina.

Nisy ny fanangonam-bola natao tamin’io hetsika io, izay nambaran’izy ireo fa izay azo dia entina hanampiana ireo ankizy marary amin’ireo Hopitaly lehibe 4 eto Antananarivo dia ny HJRA Ampefiloha, Hopitaly Befelatanana, Hopitaly Ambohimiandra, ary ny Hopitalin’ny ankizy etsy Tsaralalana. Nahangona 80 tapitrisa Ar ny fikambanana tao anatin’ireo 2 andro nandritra ny faran’ny herinandro paska, nanaovana ny fampiratiana, ka nentina nanampiana ankizy marary hatrany amin’ny 200 isa izany, ka omaly no nanoloran’izy ireo azy, izay nahitana fitaovana ilain’ireo ankizy, fanafody, fa teo ihany koa no natokana handraisana an-tànana ireo marary.
Nangonin’i Toky R