VOATAFIKA NY AKANY

AVOKO FARAVOHITRA

Actualités
Talata 10 Martsa 2026

Lasan'ireo jiolahy hatramin'ny tafon'ny WC

Notafihin'ny jiolahy ny ivon-toerana Akany Avoko fitaizana sy fanabeazana zaza nania etsy Faravohitra. Ny alin'ny Alahady 08 Martsa nifoha omaly Alatsinainy 09 Martsa no nitran'izany hoy ny vaovao. Mora tamin'ireo jiolahy tokoa no niditra tao amin'ny Faritry ny Akany noho ny tsy fisian'ny tamboho raha ny fanazavan'ny tompon'andraikitry ny Akany. Nisy ny entana lasan'ireo olon-dratsy vokatr'izany ka anisany ny varavaran'ny WC an'ny ankizy sy ny varavaran'ny vavahadin'ny tohatra iray. Voalaza fa tonga ara-potoana ihany ny mpitandro ny filaminana nandritra ity fanafihan-jiolahy ity. Efa henjana anefa ireo mpanao ratsy. Miantso ireo malala-tànana sy izay tompon'andraikitra tsara sitrapo afaka manome fanitso na hazo hanamboarana tamboho vonjimaika ny eo anivon'ny Akany Avoko Faravohitra noho izany. Mangataka mpitandro ny filaminana avy amin' ny Fitondrana ihany koa izy ireo hiaro ny ankizy.
Nangonin'i Pati
Légende : Tahaka izao sisa no nihafaran'ny trano fivoahana !