Voasaringotra amina afera maloto samihafa

Karana iray voalaza fa nosamborina tao Toamasina

Actualités
Zoma 24 Mey 2024

Teratany karana iray fantatra amin’ny anaram-bositra hoe Sergio no voalaza

fa voasambotra tao Toamasina omaly alakamisy 22 mey maraina, araka ny serasera nataon’i Fleury Rakotomanana, mpamakafaka ara-politika amin’ny tambajotran-tserasera, monina any ampitan-dranomasina. Tsy voafaritra ofisialy ny antony nisamborana azy saingy loharanom-baovao iray no nahafantarana fa fanaovana sy fampiasana hosoka, fikambanan-jiolahy no fototr'io fisamborana io, hoy kosa ny fanamarihana hafa. Volaza ihany koa raha ny resaka niely fa isan'ireo meloka tamina raharaha fanondranana volamena tao amin'ny tendrom-pitsarana misahana ny ady amin'ny kolikoly (PAC) ny tenany, saingy tsy niatrika ny fitsarana azy. Andrasana ny tohiny sy ny mety ho fanazavana ofisialy mikasika ny tena marina ao ambadik’ity raharaha ity.
Toky R