Actualités

Vidin-tsolika Niakatra mangingina ny sabotsy lasa teo

Actualités
Alatsinainy 29 Jona 2015

Nisondrotra ny sabotsy alina teo ny vidin-tsolika teto amintsika. Lasa 3150Ar ny litatry ny gazoala raha 2 950 Ar izany teo aloha, izany hoe nitombo 200Ar

. Lasa 3 730Ar kosa ny lasantsy sans plomb 95 raha toa ka 3 580Ar izany teo aloha, izany hoe nisondrotra 150Ar. Tao anatin’ny faran’ny herinandro somary lavalava taorian’ny fetim-pirenena ka somary nahavariana ny olona izany no nampiakarana ny vidin-tsolika. Maro ihany ireo gaga omaly alahady rehefa naka lasantsy ary inoana fa mbola maro ny ho taitra anio rehefa mahita io saran-tsolika vaovao io. Tsy nisy ny fampandrenesana mialoha, saingy efa tsinjo ihany izao tamin’ny faran’ny taona 2014 rehefa nivoaka ny resaka fa mikasa ny hampisondrotra ny vidin-tsolika hatrany amin’ny 600 Ar isaky ny litatra ireo kaompania lehibe miasa amin’izany eto amintsika. Nampimenomenona ny olona io fikasana io, hany ka nikaroka paikady hampitoniana ny rehetra ny fitondram-panjakana dia mba nampidinina ny vidin-tsolika tamin’ny febroary 2015, dia io izy nampiakarina tamin’ny sabotsy alina io indray .Tsy mbola fantatra izay ho fihetsiky ny mpitatitra manoloana ity tranga ity.