Actualités

Vidim-bary Hiakatra foana hatramin�ny faran�ny taona

Actualités
Alatsinainy 15 Septambra 2014

Niakatra nanomboka tamin�ity volana septambra ity ny vidim-bary manerana ny nosy, araka ny tatitra navoakan�ny Ivon-toerana mpandinika ny vary. Manodidina ny 1.300 hatramin�ny 1.400 Ariary, ohatra, ny kilaon�ny makalioka raha ny tsena eto Antananarivo no resahana

Antony maro samihafa no mahatonga io fiakarana io. Voalohany amin’izany ny fahasarotana amin’ny fampiakarana ireo vokatra eto an-drenivohitra noho ny toetr’andro ratsy. Ny fahavitsian’ireo mpivaro-bary kosa no nitarika ny fiakarana ho 3%-n’ity foto-tsakafon’ny Malagasy ity tao Alaotra. Ny fahamaroan’ireo mpanangom-bokatra kosa no anton’ny fisondrotan’ny vidim-bary hatrany amin’ny 25% ao Bealanana izay mamatsy ny faritr’i DIANA. Ny fahalanian’ny tahirim-bary tsikelikely indray no nampitombo ny vidiny ho an’ny faritr’i Vakinankaratra. Tsy azo hodian-tsy hita ihany koa anefa ny fiakaran’ny vidin-tsolika tamin’ny volana jolay farany teo. Mbola hitohy ny fiakaran’ny vidim-bary amin’izao ankatoky ny vanim-potoan’ny maitso ahitra izao ary tsy hijanona izany raha tsy ho tonga ny vanim-potoanan’ny varialoha amin’ny fiandohan’ny taona vaovao 2015, araka ny fanamarihan’ny Ivontoerana mpandinika ny vary.