VAZAHA NAHATRARANA ZANA-TSOKATRA

2 taona an-trano maizina, onitra 300 tapitrisa Ar

Actualités
Alarobia 24 Aprily 2024

Voaheloka higadra 2 taona an-trano maizina miampy fandoavana onitra mitentina 300 tapitrisa Ar

ilay tera-tany vahiny tratra nitondra zana-tsokatra miisa 6 (pyxis arachnoides ny 4 ary Astrochelys radiata ny 2) tao Toliara, andro maromaro lasa izay. Voasokajy ao anatin’ny biby arovana ny sokatra ka raran’ny lalàna eto Madagasikara sy ny Convention sur le commerce international des espèces de faune et de flore sauvages menacées d'extinction na ny CITES ny famarotana, ny fihazana, ny fiompiana, ary ny fihinanana azy. Ankoatra ny teratany vahiny moa dia mbola maro amin’ireo teratany Malagasy any amin’iny faritra iny ihany koa no mihaza sokatra ka mivarotra na manao izany hatao laoka mihitsy indrindra fa ny eny amin’ny hotely ka tokony handraisana fepetra hentitra. Nangonin’i Pati
Legende : Ilay teratany vahiny sy ireo sokatra saika hangalariny !