Actualités

Vatsim-pianarana - Oniversite Nitokona nanomboka omaly ny ao Fianarantsoa

Actualités
Talata 29 Jolay 2014

Nanomboka omaly dia nitokona ihany koa ny mpianatra ao amin�ny oniversite Andrainjato Fianarantsoa.

Raha ny fanazavana azo dia manohana ny hetsiky ny mpianatra eto an-drenivohitra izy ireo ny amin’ny fampiakarana ny vatsim-pianarana ho zato isan-jato. Raha ny vaovao azo ihany dia nilaza izy ireo fa rariny tokoa izao fitakiana ataon’izy ireo izao satria efa tsy mifanaraka amin’ny filana iainan’izy ireo intsony ny vatsim-pianarana amin’ny sandany izao io. Eo ihany koa ny fenitra takian’ny rafitra LMD izay tena mila vola sy fotoana satria mila manao fikarohana maro izy ireo ho famenon’ny fampianarana azo avy amin’ireo mpampianatra. Nilaza anefa izy ireo fa misy dingana maro aloha tsy maintsy arahany amin’ny fitakiany, ka rehefa tsy misy ny valin-teny mahafa-po vao miroso amin’ny dingana ambonimbony kokoa.