Actualités

Vakinankaratra-Itasy-Atsinanana Mitsahatra vonjimaika ny fampianarana

Actualités
Talata 21 Febroary 2023

Miato vonjimaika avokoa ny fampianarana any amin’ny DREN Vakinankaratra, Itasy Ary Atsinanana manomboka anio Talata 21 Febroary.

Noho ny fidiran’ilay rivo-doza eo anelanelan’ny distrikan’i Vatomandry sy Mahanoro anio alina manomboka amin’ny 09 ora ary hamakivaky ny afovontany ihany koa no anton’izany. Ankoatra izay raha araka ny vaovao azo dia hitsahatra anio atoandro manomboka amin’ny 12 ora daholo ihany koa ireo taxi brousse miazo iny faritra Atsinanana iny. Anisan’izany ny avy ao Toamasina, Mahanoro ary Vatomandry mikasa hiakatra eto an-drenivohitra. Izay tsy lasa anio maraina araka izany dia tsy afaka mandeha intsony hisorohana ny loza mety hitranga. Amin’ny Alatsinainy 27 Febroary moa vao vinavinaina hiverina an-tsekoly avokoa ny mpianatra ao anatin’ireo DREN miisa telo ireo raha miankina amin’ny zava-misy kosa ny fotoana hiverenan’ireo taxi brousse miasa.
Pati
Sary fanehoana