Vadina mpanakanto malaza

Nisy nitory ho nisoloky tany 1100m2

Actualités
Talata 19 Mey 2026

Tany mirefy 1100m2 no voalaza

fa nisolokiana vadina mpanakanto malaza iray tamina ramatoa efa 70 taona no sady efa marary. Araka ny fanazavana dia raha toa ka 60 tapitrisa Ariary no tena vidin'izany tany izany dia nasain'ity vadina mpanakanto ity ho lazaina anaty taratasim-barotra ho 5 tapitrisa Ariary fotsiny. Hahamora ny fikarakarana ara-ketra no antony, hoy ny voalaza. Maika ny hahazo tany ilay ramatoa dia nanaiky ny toromarika nomena azy. 8 tapitrisa Ariary, noho izany, no nosoratana tanaty taratasim-barotra. 3 volana vao vita ny famindrana anarana na "mutation. Ny septambra 2024 no vita ny taratasim-barotra nifanarahana tamin'ity ramatoa narany nividy ny tany tany am-boalohany ity. Ny janoary 2025 nefa dia mbola namidin'ilay nivarotra ny tany tamin'olon-kafa fanindroany indray ny tany. Nanao varo-droa, araka izany, ity vadina mpanakanto nivarotra io tany eny By pass io ity. Ankehitriny dia nihombo vokatry ny fahenoany fa tsy afaka omena azy intsony ny tany ilay ramatoa 70 taona. Miakatra ny tosidrany ary miha tsy mahavita miteny intsony izy, hoy hatrany ny fanazavana. Niakatra fitsarana tetsy Anosy omaly moa ity raharaha ity ka ny zoma izao no andrasana ny didy momba izany, raha ny fampitam-baovao voaray hatrany mikasika ity ady tany mirefy 1100m2 nitorian'olona vadina mpanakanto ho nisoloky eny By Pass ity.
Nangonin'i J. Mirija