Vadina direkitera saro-piaro tafahoatra

Tapitra antsoiny vehivavy anaty repertoirem-badiny

Actualités
Alatsinainy 26 Mey 2025

Mafy ny mahazo ireo Ray aman-dRenin’ny mpianatra mianatra amina sekoly

tsy miankina iray ao Toamasina ao. Toraka izany koa ireo mpianatra vehivavy. Diso saro-piaro loatra mantsy ny vadin’ny direktera ka tapitra antsoiny amin’ny finday avokoa ireo vehivavy hitany anaty repertoire-m-badiny, raha araka ny vaovao azo. Velon-taraina iretsy voalohany noho izany. Manampy trotraka izany ny fanontaniana hapetrany toy ny hoe : hataonare inona ny vadiko ? Amin’ny maha-mpanabe ny vadiny anefa dia tsy maintsy mifanerasera amin’ny Ray aman-dRenin’ny mpianatra sy ny mpianatra ity farany hahafahana mamaha ny olan’ny ankizy. Anisan’izany ny tsy fahavitana devoara, ny olana mety mahazo ilay mpianatra, ….Tsiahivina moa fa Ramatoa iray tao Toamasina tao ihany koa ny mahavita miambina ireo vehivavy mandalo manoloana ny tranony ka mijerijery any an-tokontaniny. Heveriny ho manadala am-badiny avokoa mantsy izay rehetra manao fihetsika hafahafa ka hataony mahita faisana. Nambaran’ny psikology iray fa lasa aretin-tsaina ny hasarotam-piaro diso toerana tahaka izany ho an’ny sasany indraindray. Lasa mivadika ho herisetra hatao aman’olona sy ilay vady indray mantsy izany rehefa tsy voafehy ka ilana fitandremana.
Pati
Legende : Mijaly ireo Ray aman-dRenin’ny mpianatra ao amin’ity sekoly tsy miankina iray ity !