Tsy zaka intsony ny vidin’ny entona fandrehitra

Resabe fotsiny ny politika momba ny tontolo iainana!

Actualités
Alatsinainy 21 Jolay 2025

Nijanona ho resabe fotsiny izany ny politika momba ny tontolo iainana

hatramin’ny fotoana nitantanan’ny Dr Baomihavotse Raharinirina ny minisiteran’ny tontolo iainana hoe hahena ho zakan’ny sarambabem-bahoaka mba ho fiarovana ny tontolo iainana ny vidin’ny entona fandrehitra na «gaz». Tsy nety tanteraka izany hatramin’izao fidiran’ity fitondràm-panjakàna ity amin’ny fotoam-piasany faharoa izao. Ny mifanohitra amin’izany aza no miseho. Miakatra hatrany ary tsy zaka intsony, ankehitriny, ny vidin’ny entana fandrehitra eny amin’ireo tobin-tsolika, hoy ny fitarainan’ireo mbola nanana fahafahana nanjifa izay teto Antananarivo renivohitra teo aloha teo. Izahay izao teo nampiasa ilay 9 kilao saingy naleonay najanona, hoy ny renim-pianakaviana iray, satria efa mananika ny 8 alina Ariary ny vidiny amin’izao fotoana izao.
Nangonin’i J. Mirija