Tsy nomena akoho sy vola

Tovolahy iray namono tena

Actualités
Zoma 25 Aprily 2025

Tovolahy iray, 18 taona, kilasy faha 4 amin'ny sekolim-panjakana any amin'ny

distrikan'i Vangaindrano no voalaza fa namoy fo tany Vohindava Manambondro, ny alatsinainy teo, raha ny fampitam-baovao voaray omaly. Be fo izy io, raha ny fanazavana. Nangataka akoho sy vola tamin'ny ray aman-dreniny mba ho entina mampifaly ny olon-tiany hitsangatsangana tamin'iny alatsinain'ny Paska iny, saingy tsy nahazo. Matetika rehefa tsy afa-po amin'ny fangatahany tahaka izao izy dia lasa any an-tsaha manimba ny voly jirofon'ny ray aman-dreniny. Nihidy tao anaty trano kely izy ary ny tadin'ny sakaosiny ihany no nafatony tamin'ny tendany. Natsotrany nankany aoriana ny tongony, araka ny fizahan'ireo manam-pahefana. Nihidy avy ao anatiny ny trano. Tsy nisy ratra ny vatany, raha ny fampitam-baovao voaray hatrany.
Nangonin’i J. Mirija