Actualités

Tsiry Andriamihantasoa “Ho aiza isika ity ?”

Actualités
Alakamisy 25 Jona 2020

Lavitra loatra ny elanelana misy eo amin'ny fari-piainan'ny Vahoaka Malagasy. Mifanalavitra ny vola miditra eo amin'ny mpanankarena sy ny mahantra. Tsy mahafehy trano intsony ny 10.000Ariary.

Tsy mahavita izay filana ao an-tokatrano intsony izany, hoy ny filohan’ny fikambanana Tanora mandray andraikitra, Tsiry Andriamihantasoa, naneho ny heviny mikasika ny raharaham-pirenena ao anatin’izao ankatoky ny fankalazana ny faha 60 taona niverenan’ny fahaleovantena izao. Ny tokantrano maro an'isa anefa, hoy izy, dia zara raha mampiditra vola 3.000Ariary sy 5.000Ariary. Misy hantsana lalina be, noho izany, mampifanalavitra ny mpitondra sy ny vahoaka. Tsy tsapan'ny mpitondra mihintsy ny tena hanavotana ny vahoaka, hoy hatrany izy, ary mampametra-panontaniana hoe ho aiza isika ity ?

J. Mirija