Actualités

Tsarasaotra Noraisim-potsiny ilay inspektera sandoka

Actualités
Talata 08 Septambra 2020

Mpitondra moto iray tsy nanao aroloha no nosakanan'ny Polisy avy ao amin'ny Troisième Compagnie d'Intervention tetsy Tsarasaotra ka saika tsy nety hijanona ary nilaza fa mahafantatra Polisy ka hiantso izany raha tsy avela handeha izy, hoy ny fampitam-baovaon’ny Polisim-pirenena.

Tsy nanaiky izany ireo Polisy nisakana ny moto ka niantso ilay havany tamin'ny finday milaza ho Polisy ilay mpitondra moto. Tonga teny an-toerana tokoa ary ity lehilahy milaza ho Inspecteur de Police izay nanao akanjo ba maintso ambony toy ny an'ny Polisy ireny. Rehefa niresaka tamin'ireo Polisy ity farany dia nangatahana ny karatra maha Polisy azy sy ny asany ka fantatra tamin'ny fomba firesany sy ny fihetsiny fa tsy Inspecteur de Police ilay lehilahy no sady tsy nanana "badge" sy carte professionnelle fa karapanondro milaza ny asany ho mpamily ny teny aminy, hoy hatrany ny polisim-pirenena. Nosamborina avy hatrany ity mpisandoka andraikitra ity ary ilay moto kosa dia nogiazana eny amin'ny kaomisaria, toy ireny moto tsy manara-dalàna ireny.

Toky R