Tratra nanao firaisana tamin’ny vadin’olona

Lehilahy iray maty notsatohan’ny tompom-bady antsy

Actualités
Zoma 24 Janoary 2025

Lehilahy iray manodidina ny 45 taona no fantatra fa tratran’ny tompom-bady nanao firaisana

tamim-badiny tao Ampatakana Maroreny Mandritsara ny datin’ny 14 Janoary teo. Avy hatrany dia norasarasain’ilay tompom-bady tamin’ny antsy ilay rafilahiny ka namoy ny ainy teo noho eo.Tonga nijery zava-misy ny zandary avy ao Marotandrano ny ampitson’io tranga io ka naka ilay lehilahy tompom-bady izay nahavanon-doza. Saika hakarina fampanoavana ao Mandritsara moa izy ireo saingy nangatahin’ny fianakavian’ny maty ny hitondrana ny raharaha any Andilamena. Samy avy Andilamena mantsy no fiavian’ilay vehivavy efa manam-bady sy ilay Rangahy maty izay nangala-badin’olona io. Andrasana araka izany izay mety ho tohin’ity raharaha ity.
Nangonin’i Pati
Legende : Ahitana vaovao maro eto Mandritsara !