Trano fivarotana kojakojan-trano may

Entana mitentina an-tapitrisany

Actualités
Alarobia 28 Janoary 2026

fongana tsy nisy noraisina

Tranom-barotra mpivarotra karazana kojakoja fanamboaran-trano no fantatra fa nirehitra ny datin'ny 26 Janoary teo tokony ho tamin'ny 3 ora folak'andro tao Ampahimanga. Zandary manao fisafoana no nahatsikaritra setroka mainty be avy ao anatin'ny tranom-barotra ka niditra haingana nizaha ny zava-misy tao amin'ny trano fitehirizana entana. Nifanome tanana ny vahoaka sy ny zandary namono ny afo ka naharitra ora iray sy 20 minitra vao voafehy ny afo. Nahitana fahasimbana betsaka ny entana tao anatiny. Vokatry ny fifohana sigara teo ambony moto tao anaty magazay no niteraka ny fahamaizana. Nanary bôrka kely fotsiny ny olona dia nijolofotra be ny afo. Tsiahivina moa fa tsy azo hatao ny mifoka sigara ao anaty trano fivarotan-kazo, masinin-kazo.Ny trano fitehirizana sy fivarotana solika, menaka motera, menaka fiara, menaka, entona (gaz), loko.Ny trano fanaovana taratasy, lamba, akora mora mirehitra.Ny birao fiasana mihidy anaty rindrina, ny toerana vory vahoaka na maro olona. Ny ao anaty fiara fitateram-bahoaka na fiaran'ny tena manokana koa.
Pati
Légende : Ireo karazana kojakoja may tao amin'ilay tranom-barotra !