Actualités

Trafikana Andramena Bolabola 87 tratra tao Amparafaravola

Actualités
Talata 17 Novambra 2020

Bolabolana andramena 87 isa tratra tao ao Amparafaravola omaly 16 novambra

vokatry ny fiaraha-miasa teo amin'ny Minisiteran’ny Tontolo Iainana sy ny

Fampandrosoana Lovain-javy (MEDD) sy ny Polisim-pirenena, hoy ny fampitam-baovao. Notanana ny mpiambina ny trano sy ny Sefo fokontany atao famotorana. Lasa nandositra ary hokarohina kosa ny tompon'ny trano.Efa mandray ny andraikiny amin'ny dingana ara-panjakana rehetra ny DREDD. Ireo hazo kosa dia efa taterina tsikelikely. Mazava ny hafatry ny Filohan'ny Repoblika ny Piraiminisitra Lehiben'ny Governemanta Ntsay Christian fa mitohy ny "Campagne tolerance zero" ho an'izay rehetra manao trafikana hazo sarobidy ka ampiharina ny sazy henjana ho azy ireo, hoy ny MEDD. Nankasitraka ny olon-tsotra nizara vaovao ary misaotra ny Polisim-pirenena niara-nisalahy nahatrarana ireo fanetribem-pirenena. Tsy mandeha ho azy ny resaka afera sy trafikana hazo amin’iny faritra Alaotra-Mangoro iny, fa efa misy tambajotra lehibe. Misy toerana tena tafiditra ao anatin’ny firaisana tsikombakomba ny mpiasan’ny tontolo iainana.

Toky R