Actualités

TOLIARA - � FESTIVAL ANTSAIRY LOHARIAKE � Nanomboka omaly ary haharitra 5 andro, asongadina ny gadona tsapiky sy ny tantarany

Actualités
Zoma 01 Aogositra 2014

Nosantarina omaly tany Toliara tamin�ny alalan�ny atrikasa sy valandresaka narahina ady hevitra momba ny mozika nentin-drazana sy ny gadona tsapiky (tantara sy ny fivoarany) mampalaza ny faritra Atsimo Andrefana, ny zon�ny mpamorona sy ny ady amin�ny hosoka.

Tao amin’ny « Hôtel Le Palétuvier » amoron-driaka, ny fanombohana ny hetsika ara- kolontsaina anisan’ny mampiavaka ny tanànan’ny masoandro, dia ny « Festival Antsairy lohariake » andiany fahatelo. Raha ny fanazavan’i Daudet Delly Rarivoson, mpanakanto sady mpikarakara ny hetsika, dia ny zoma izao vao hisokatra amin’ny fomba ofisialy ao amin’ny « Jardin de la mer » amoron-driaka ity festivaly ity hatrehina manampahefana sy mpanakanto maro fanta-daza.

Faha-30 taonan’ny OMDA, hankalazaina any Toliara

Ny ampitson’io (sabotsy), fitsidihana ny « site » Fihamy any Miary. Avy eo miroso amin’ny fampisehoana samihafa entina manamarika ny faha-30 taonan’ny OMDA. Anisan’ny tanjona amin’ny « Festival Antsairy lohariake » ny hanome lanja ny zavakanto sy kolontsaina nentim-paharazana avy any atsimon’ny Nosy ary famohazana ireo talenta miafina sy ny zavamaneno fahiny avy any atsimo mitady ho very, ary ny alahady 3 aogositra izao no hifarana tanteraka ny hetsika.