Actualités

Toe-javatra mampiahiahy any Nosy Be Mpanjono 9 tsy hita popoka

Actualités
Alakamisy 25 Jona 2020

Mpanjono Malagasy miisa 4 no tsy hita popoka tsy hay na maty na velona nanomboka ny sabotsy 30 mey ka hatramin’izao. Nanjono tany amin’ny fari-dranomasin’i Nisy Be izy ireo.

Niampy 5 hafa indray izany amin’izao fotoana izao, raha ny vaovao azo avy any an-toerana. Nitovy tamin'ireo voalohany ihany ny anton-dian'izy ireo. Nandeha nanjono ary tany dia tsy niverina intsony. Lany haika ny fianakaviana, lany ihany koa ny vola niantohana solika sy nanofana sambo haingam-pandeha nikarohana azy ireo tany amina kilaometatra maro manodidina an'i Nosy Be. Nijanona tanteraka ny fikarohana ankehitriny ka vaovao avy amin'ireo tsara sitra-po sisa antenaina ho an'izay mety mba hahita ny havan'izy ireo, hoy hatrany ny vaovao azo. Tsy nisy hita na ireo mpanjono, na ny lakana, na ny fitaovan'izy ireo. Ahiana ho notafihin’ny jiolahin-tsambo Somalianina ireo fianakaviana. Misy ihany koa anefa ireo mieritreritra fa misy hifandraisany amin'ny Îles éparses izao fanjavonana mifono mistery izao. Efa nisy fotoana rahateo nisiana fisamborana mpanjono Malagasy nandalo tany amin’ireo Nosintsinka ireo nataon’ireo miaramila miandry izany. Miangavy amin'ny fitondram-panjakana ny fianankaviana ny mba handefasana angidim-by hitadiavana azy sivy mirahalahy.

Toky R