Toamasina

Mpanao gazety iray ampanantsoin’ny zandary

Actualités
Zoma 14 Jona 2024

Voaantso eny amin’ny Borigadin’ny zandarimaria ao Toamasina Renivohitra ny mpanao gazety

Mickaelys Kamy Ndiamahazo anio 14 jona amin’ny 8 ora maraina, raha ny vaovao niparitaka omaly. Resaka famoaham-baovao, ka nilazan’ny mpitory azy ho nanala baraka no antony. « Tanindrana Maxime io ilay nitory ahy ! Lazainy fa nanao "diffamation". Mbola tsara tahiry ato ny horonam-peo. Efa nisy sazy higadra iray volana sazy mihatra,… Mbola misy raharaha mikasika azy ihany koa efa mandeha», hoy io mpanao gazety io. Resaka aferan-tany moa no mampalaza ity olona voalaza fa mitory ity, ary efa nisy ireo vaovao samihafa niparitaka momba azy. Maro ireo mpanao gazety na ao Toamasina na na manerana ny Nosy naneho fanohanana an’i Mickaelys Kamy Ndiamahazo.
Toky R