Actualités

Tetikasa Lumitsits Mampihena hatrany amin�ny 10% ny vola aloa

Actualités
Sabotsy 21 Jona 2014

Tokantrano 55.000 tamin�ny Fokontany 130 eto an-drenivohitra sy ny manodidina no efa voatsidika tamin�ilay tetikasa Lumitsits ifandrimbonan�ny WWF, minisiteran�ny Angovo, ny Jirama ary ny Fondation Telma.

Takamoa miisa 220.000 no efa voatsinjara hatramin’ny 19 jona 2014 lasa teo. Tanjon’ny fandaharanasa ny hizara takamoa hatrany amin’ny 540.000 amin’ny tokantrano 150.000 hatramin’ny volana oktobra 2014. Maro ny tombontsoa azo avy amin’ny fampiasana Lumitsits. Goavana indrindra amin’izany ny fitsitsiana sy ny fotoam-paharetany amin’ny lafiny rehetra. Eo amin’ny fitsitsiana, ohatra, dia mihena eo amin’ny 7 hatrany amin’ny 10% ny vola aloan’ny mpampiasa azy isam-bolana. Raha ny kajikajy indray dia maharitra hatrany amin’ny 9 taona ny faharetan’ny takamoa iray, izany hoe manome tahiry manodidina ny 7 hetsy Ariary isan-taona mihoatra amin’ny takamoa fampiasa andavanandro. Misy lafiny tsara ara-toekarena sy tontolo iainana ary ara-angovo ihany koa ny fampiasana ny takamoa Lumitsits, araka ny fanazavan’ny tompon’andraikitry ny tetikasa. Ny fampiasana azy ity mandritra ny 7 taona dia hampihena ireo etona manempotra hatrany amin’ny 52.000 taonina sy ny tsy fisian’ny fahatapahan’ny herinaratra intsony. Ho an’ny orinasa Jirama manokana indray dia hosorohana ny fampiasam-bola fanampiny.