Actualités

Tetikasa fifindra-monina eny Soaniedanana Hanohana ny Israelianina

Actualités
Alatsinainy 29 Jona 2015

Resy lahatra tanteraka amin'ilay tetikasa fifindra-monina tontosain'ny fikambanana HAFARI Malagasy ny sehatra iraisam-pirenena. Samy niaiky ny maha zava-dehibe azy io hahafahana miady sy manohitra ny fahantrana avokoa ireo masoivoho avy

any ivelany miasa sy monina eto amintsika nolalovan-dRafanomezantsoa Jean Nirina, filohan'ny fikambanana. Ho an'ny kaonsilan'i Israel eto amintsika dia nanambara izy ireo fa hanohana tetikasa iray goavana ao Soaniedanana Ankazobe hahafahana manampy ireo mpifindra monina ao an-toerana. Ny masoivoho Amerikanina kosa dia hamatsy ara-bola ny fanapariahana ny vaovao mba ho hitam-poko ho hitam-pirenena raha mahita ny PNUD fa mety ho lasa tetikasa iray hahafahana manafaka ny vahoaka Malagasy ao anatin'ny fahantrana ity tetikasa fifindra-monina hataon'ny HAFARI Malagasy ity. Mihazakazaka tanteraka ny tetikasa raha ny fizotrany hatreto no jerena. Tsy latsa-danja amin'izany ilay tetikasa Procom hiarahan'ny fikambanana amin'ny FIVMPAMA, tafiditra ao anatin'ny agro-business hahafahana mampandroso sy mampivoatra ny toekarena eto amintsika. Tsiahivina moa fa an-jatony ireo trano efa mitsangana ao Soaniedanana amin'izao. Hampidirina tsy ho ela ihany koa ny herinaratra hanazava ny tanàna arahin'ireo tetikasa maro loha ho avy tsy ho ela.

Pati