TETIKASA EAGER

Hanohanana ireo zazavavy nitsoaka an-daharana an-tsekoly

Actualités
Zoma 10 Oktobra 2025

Tanterahina nanomboka 06 Oktobra lasa teo

manerana ireo faritra miisa 16 ny atrikasa fampahafantarana sy fifanakalozana momba ny tetikasa "EAGER" na ny tetikasa manohana ny fizakan-tenan'ny ankizivavy sy ny vehivavy. Tanjona ny hanatsarana ny fari-pahaizana sy ny fidiram-bolan'ireo kendren'ny tetikasa hahatonga azy ireny tsy ho vesatry ny fiaraha-monina intsony. Vokatry ny fiaraha-miasan'ny Minisiteran'ny ny Fanabeazam-pirenena amin'ny alalan'ny Foibem-pitondrana misahana ny fanamorana tetikasa (UFP) sy ny "Fonds d'Intervention pour le Développement" (FID), vatsian'ny Banky Iraisam-pirenena vola no nahafahana nanatontosa ny tetikasa. Ny "Fonds d'Intervention pour le Développement" (FID) no hanatanteraka ny asa ao amin'ny "sous-composante" 1.2 ao anatin'ny tetikasa EAGER izay miompana amin'ny fanaovana ora fanarenana (CRAN) ho an'ireo zatovovavy izay niala an-daharana; ka hisy ny fitsirihana ho an'ireo izay hisitraka an'izany eny anivon'ireo faritra izay misitraka ny tetikasa. Haharitra efa-taona ity tetikasa ity ary hifanome tanana amin'izany ireo rantsa-mangaikan'ny Minisiteran'ny Fanabeazam-pirenena.
Pati
Légende : Mafana ny fitiliana sy fijerena ireo tokony hisitraka ny tetikasa !