Actualités

Telolahy nitondra basy vita gasy Natolotra ny fitsarana

Actualités
Alarobia 13 Aogositra 2014

Telolahy avy any Ejeda nampiahiahy ny fihetsiny nosavain�ny polisy mpanao fisafoana amin�ny alina ka nahatrarana basy vita gasy ny herinandro teo, tao Sanfily Toliara

Mbola nahitana antsy lava iray avy tany amin’izy telo lahy ireo, raha ny fanazavan’ny mpitandro filaminana. Mba hisorohana ny asan-jiolahy izay nateti-pitranga tato ho ato, indrindra ao Toliara tampon-tanàna dia savaina avokoa izay olona rehetra hita mampiahiahy, hoy ny tompon’andraikitra. Nanamafy ny avy ao amin’ny polisy Toliara fa ity no basy vita gasy tsara indrindra tamin’ireo efa tratra hatramin’izay. Raha ny tombana dia mety ho betsaka ny mitovy kalitao amin’ireto sarona ireto miparitaka any ho any. Efa natolotra ny fitsarana izy telo lahy.