TATAMO ONISOA

Tsy very fa mitsoaka noho ny fisolokianaK

Actualités
Alatsinainy 27 Jolay 2026

Karohan'ny Polisim-pirenena eo

anivon'ny sampandraharaha misahana ny ady heloka bevava Anosy Rtoakely Rajaonarivo Tatamo Onisoa. Iray tamin’ireo anarana sy sary nalaza nanaovana fikarohana olona very, saingy tsy very sy nanjavona izany izy, fa mitsoaka noho ny asa ratsy. Teraka tamin'ny 05 Novambra taona 1995 izy izany hoe : vao 31 taona monja ary « entrepreneur » no asany. Tao amin'ny adiresy Lot II A 28 AZA, Amboditsiry no nahitana azy farany. Raha araka ny fantatra dia resaka fisolokiana no antony hitadiavana azy. Manome toky ny Polisim-pirenena fa mijanona ho tsiambaratelo tanteraka ny mombamomba izay rehetra manome vaovao mikasika ity tovovavy kely ity. Amin'ny ankapobeny dia fitiavam-bola aman-karena no manosika olona hanaotao foana tahaka izao. Tsy hanavahana sokajin-taona intsony izany izay fantatra fa tena mahazo vahana tokoa eto amintsika. Mila mailo ny tsirairay manoloana izany. Tsy voatery ho ireo manao akanjo malotoloto ihany mantsy no mpangalatra sy mpisoloky fa misy tena olona manana ny maha-izy azy mihitsy.
Nangonin'i Pati
Légende : Tovovavy vao herotrerony tokoa i Rajaonarivo Tatamo !