Actualités

Tarika Rafarasimanga Berthine Mbola Mahavelona ny Hiragasy, hoy i Dada Rakoto

Actualités
Talata 30 Jona 2015

Mbola tena mahavelona ny fiangaliana Hiragasy raha amin�izao vaninandro misy antsika izao, hoy I Dada Rakoto mpitarika ny tropy Rafarasimanga Berthine

avy any Ambohimandroso nohafarana mpikarakara lanonana tamin’ny fankalazana ny fetim-pirenena farany teo teny Ambivihy eny amin’ny kaominin’i Soavina Atsimondrano. Manodidina ny 5 alina sy 4 hetsy ka hatramin’ny 5 hetsy ariary ankehitriny ny sandan’ny fampisehoana iray ataon’ny tarika iray. Ny saran-dalana kosa dia hifanarahana amin’ny mpaka na haloany na hampiana ao anaty fifanarahana. Nomarihan’ity filohan’ny tarika Rafarasimanga Berthine ity ihany koa fa mandritra ny 1 volana maninjitra izy ireo no mianatra ireo tononkira hoentina haseho sehatra. Efa mihatanora moa ny mpikambana ao anaty tarika ankehitriny ka manomboka amin’ireo voton-jaza izany ka hatramin’ireo raiamandreny lehibe efa ampy traikefa tsara. Manodidina ny 30 isa any ny isan’ireo mandrafitra ity tarika ity ankehitriny.

Ntsoavina Evariste