Actualités

Tapatapany

Actualités
Zoma 05 Martsa 2010

...

Atrikasa HAT : tsy nanatrika ny teny ifampierana, izay atrikasa karakarain’ny HAT eny Ivato nanomboka omaly ny avy ao amin’ireo ankolafy 3 : Ratsiraka, Ravalomanana ary Zafy Albert.

Ny Hasina : anisan’ireo vahiny nasaina ka tonga teny Ivato nanatrika ny atrikasa, teny ifampierana i Ny Hasina Andriamanjato, praiminisitra lefitra misahana ny raharaham-bahiny teo aloha.

CUA : niova teknika indray amin’ny fanenjehana ireo mpivarotra amoron-dalana ny mpiasan’ny kaominina eto Antananarivo renivohitra ka tsy mampiasa ireo fiara be intsony, fa mitaingina mini bus indray.

Ankatso : mitaky ny hampiakarana hatramin’ny 50% ny vatsim-pianarana ireo mpianatra eny amin’ny Oniversiten’Ankatso. Ho avy ny fitokonana raha tsy misy ny valiny mahafa-po avy amin’ny mpitondra.

Monja Roindefo : mieritreritra ny hanatanteraka fihaonambem-pirenena hanasana ireo ankolafy rehetra atsy ho atsy i Monja Roindefo araka ny filazan’ny mpiara-miasa akaiky aminy.

Andry Rajoelina : araka ny tsiliantsofina re dia tsy hanatrika ny fivoriana any Addis Abeba manomboka ny alatsinainy ho avy izao i Andry Rajoelina.

Nangonin’i RTT