Actualités

Taonan�ny fianakaviana Mikarakara hetsika ny BUCAS Antanimena

Actualités
Alakamisy 12 Jona 2014

Taonan�ny fianakaviana sady taona iraisam-pirenena momba ny famokarana ataon�ny fianakaviana ity 2014 ity, ka noho izany indrindra no hanatanterahan�ny BUCAS hetsika manokana eny amin�ny foibeny eny Antanimena ny 13 sy 14 jona ho avy izao.

Lohahevitra nosafidiana manokana mandritra izao hetsika izao ny hoe : «Fianakaviana, fototry ny fampivoarana maharitra». Kendrena amin’ity hetsika ity ny hampahafantarana ny besinimaro ny lanjan’ny fianakaviana eo amin’ny fametrahana ny fampivoarana maharitra. Hisy, araka izany, ny loabary an-dasy, fampirantiana sy fanentanana samihafa mandritra ireo andro ireo. Hasongadina manokana amin’izany ny fiahiana ara-tsakafo manoloana ny faharavan’ny toetr’andro, ny fanofanana arak’asa sy ny fanampiana ny fianakaviana hamaha ny olan’ny tsy fananana asa, ny fitantanana ny fihariana isan-tokantrano, ny fandraisana andraikitra amin’ny maha olom-pirenena. Tompon’andraikitra ara-panjakana sy ara-piangonana, olom-boafidy, mpikatroka sosialy ary fianakaviana maro no handray anjara amin’io hetsika io. Anisan’ny hanao famelabelaran-kevitra eny Antanimena mandritra ity hetsika ity ny zoma 13 jona ny Arsevekan’Antananarivo Mgr Odon Marie Arsène Razanakolona.