Actualités

Taom-pianarana 2014-2015 Niakatra 10% ny fisoratana anarana sy saram-pianarana

Actualités
Talata 05 Aogositra 2014

Ao anatin�ny fialantsasatra tanteraka ankehitriny ireo kilonga madinika eny anivon�ny sekoly ambaratonga fototra. Amin�ny fiandohan�ny volana oktobra 2014 any rahateo no vinavinaina hiditra ny taom-pianarana vaovao 2014-2015.

Ho an’ny sekoly tsy miankina dia efa mikarakara sahady ny fiatrehana io taom-pianarana ho avy io ny ankamaroany. Tsy vitsy amin’izy ireo tokoa mantsy ankehitriny no manomboka mandray fisoratana anarana ho an’ireo ankizy afaka manohy ny fianarany any amin’ireo sekoly andoavam-bola. Fanazavana nomen’ireo mpitantana azy ireny moa ny fitsinjovana ireo ray aman-dreny mba ahafahan’izy ireo miomana dieny izao amin’ny fiatrehana ny fividianana ireo kojakojam-pianarana ilaina mandritra ny taom-pianarana. Sady faly no sahirana moa ireo ray aman-dreny nanontaniana. Ny antony dia manana fotoana lavalava tokoa izy ireo hiatrehana ny fidiran’ny mpianatra saingy ny tetibola eo am-pelatanana hiatrehana izany no tsy ampy. Vahaolana be misafidy manoloana io toe-javatra io ny findramam-bola any amin’ny banky izay manome tolotra fanampiana ireo ray aman-dreny rehefa volana aogositra sy septambra tahaka izao. Ny zava-misy aloha dia niakatra eo amin’ny 10% eo ny taham-pisoratana anarana sy ny sarany amin’ity taom-pianarana 2014-2015 ity.