Actualités

TANORA TIM BOENY Vonona hanampy ny kandida ao Mahajanga

Actualités
Alatsinainy 06 Jolay 2015

Tafiditra tanteraka ao anatin�ny fotoana ny fampielezan-kevitra mialoha ny fotoana ireo kandida mpilatsaka hofidiana rehetra manerana ny nosy.

Ho an’ny antoko Tim Boeny ao Mahajanga dia ny fotoana hahatongavan’ny fifidianana sy ny fampielezan-kevitra sisa no andrasana dia raikitra ny fandresen-dahatra ireo mpifidy. Ireo tanora avy amin’ity antoko ity dia efa vonona ny hifanome tanana amin’ny kandida ao an-toerana amin’izao fifidianana ho avy izao. Porofo izany ny fandresen-dahatra ireo tanora namany amin’ny fampivoarana ny tanànan’ny kaominina Mahajanga izay misedra olana hatrany amin’ny fampidiram-bola. Ny kandidan’ny Tim ao Mahajanga José dia nilaza fa ny fotoana hahatongavany eo amin’ny fitantanana ny tanàna no ela fa ny vahaolana manoloana io dia efa eo am-pelatanany. Ny sabotsy teo dia vory lanona ireo mpikambana ny Tim amin’ny fampahanfatarana ireo kandida ao amin’ny faritra Boeny izay notronin’ny solontenan’ny filoha Ravalomanana. Na dia nisy aza, ny olana sedrain’ny mpanara-dia ny filoha teo aloha, hoy ny filohan’ny fikambanana dia efa niravona ny disadisa ary niray feo ny rehetra hampandany ny kandida natolotr’i Dada ho azy ireo.

Tolin