Tambazotra aterineto

Nitrangana fikorontanana indray

Actualités
Zoma 15 Martsa 2024

Nitrangana fikorontanana indray ny tambazotra aterineto omaly,

ho an’ireo mpanjifa ny orinasam-pifandraisan-davitra Telma moa izany. Naneho fialan-tsiny sy nampahafantatra ny anton’izany ihany moa ity orinasa ity. Raha ny fanazavana dia resaka fikorontanana eo amin’ny sehatra iraisampirenena mihitsy no nitranga. Miezaka mijery ny lafiny tekinika ahafahana manarina sy mampandeha amin’ny laoniny indray ny fampitana ireo tekinisianina, hoy hatrany ny voambara. Mazava ho azy fa dia maro indray ireo sorena nanoloana ny zava-niseho, indrindra, ireo manana asa mifototra amin’ny resaka fifandraisan-davitra satria tsy ny fifandraisana ihany no nahitana fiantraikany ratsy vokatr’izany fa ny asa fivelomana manontolo mihitsy.
J. Mirija