Talen-tsekoly ao Antsondrika

Nanolana ny mpianany 14 taona

Actualités
Alatsinainy 08 Aprily 2024

Mpampianatra no sady talen-tsekoly ao Antsondrika, fokontany Marotongo,

kaominina Ankorofotsy, distrikan'I Miandrivazo no nahavita nanolana ny mpianany 14 taona, raha ny fampitam-baovao voaray ny sabotsy teo. Rehefa fantany fa bevohoka ity mpianany dia notereny hanala izany. Raha vao nahazo angom-baovao ny zandary ao amin’ny borigady Ambatolahy, avy dia nirotsaka nanao fanadihadiana. Fantatra tamin'izany fa mpianatra hiatrika fanadinana CEPE ity zaza 14 taona naolan'ingahy tale ity. Efa notanana vonjimaika any am-ponja moa izy ary miandry ny fotoam-pitsarana hanatanterahana ny famosirana azy, raha ny fampitam-baovao voaray hatrany.
J. Mirija