TAHINA RAZAFINJOELINA

"Iainana ny finoana ary mila

Actualités
Zoma 26 Desambra 2025

manetri-tena ny mpino"

Maniry krismasy sambatra amintsika mianakavy rehetra aho ho Atoa Tahina Razafinjoelina, filohan'ny antoko Tia Tanindrazana omaly 25 desambra 2025. Enga anie tena hanana ny lanjany ara-panahy amintsika ny krismasy ary hiainantsika mandrakariva fa tsy anio sy ny fety ihany, hoy izy. Nampatsiahiviny fa ny fahaterahan'i Jesoa Kristy dia midika fifaliana satria fahaterahana. Midika fanavaozana vaovao izay mitaky fanetren-tena. Ny mpino tokoa dia mila faly (miteraka fifankatiavana) ary mila manetri-tena (tsy tia voninahitra) ary manao ny marina, hoy izy. Ireo no antony hanomezan'ireo tsy mpino antsika tsiny matetika satria ny finoantsika mazana dia aseho fa tsy iainana ka maro no manakiana fa ny finoantsika dia fanafenana faharatsiana fotsiny ihany, hoy i Tahina Razafinjoelina nanaitra ny mpino. Andao koa isika hiova fa tsy hiandry ny hafa foana e, hoy izy. Andao tsy ho kizitina amintsika samy isika, andao hiezaka hanao ny marina. Andao hiezaka hanaiky diso rehefa misy tsy mety fa tsy ny hafa foana no omena tsiny. Tsy izany ve no tena fahaterahana vaovao?
Nangonin'i RTT
Tahiry Tiana
(Tahirin-tsary)